സൗണ്ട് സിസ്റ്റം ദേഹത്ത് വീണ് രണ്ട് കുട്ടികൾ മരിച്ചു

ഇന്നലെ നടന്ന ശോഭ യാത്രക്കിടെയാണ് അപകടം സംഭവിച്ചത്.

ലഖ്‌നൗ: ട്രോളിയിൽ ഘടിപ്പിച്ച സൗണ്ട് സിസ്റ്റം ദേഹത്ത് വീണ് രണ്ട് കുട്ടികൾ മരിച്ചു. രണ്ട് കുട്ടികൾക്ക് പരിക്കേറ്റു. ഇന്നലെ നടന്ന ശോഭ യാത്രക്കിടെയാണ് സംഭവം. പരിക്കേറ്റ നാല് പേരെ ആശുപത്രിയിലെത്തിച്ചു. തുടർന്നാണ് മരണം സംഭവിച്ചത്.

അതേ സമയം ശോഭ യാത്രക്ക് അനുമതി നേടിയിരുന്നില്ലെന്ന് റൂറൽ എസ്പി സിദ്ധാർഥ് വർമ്മ പറഞ്ഞു. വിഷയത്തിൽ അന്വേഷണം ആരംഭിച്ചെന്നും ഉത്തരവാദികൾക്കെതിരെ നടപടി എടുക്കുമെന്നും പൊലീസ് ഉദ്യോഗസ്ഥൻ പറഞ്ഞു.