ന്യൂഡൽഹി: കർഷക സമരത്തിന്‍റെ (Farmers protest) വിജയത്തിൽ കർഷകർക്ക് സല്യൂട്ട് അറിയിച്ച് സിപിഎം ജനറൽ സെക്രട്ടറി സീതാറാം യെച്ചൂരി (Sitaram Yechury demands). കർഷകർ ശക്തമായി മുന്നോട്ട് നയിച്ച സമരത്തിലൂടെയാണ് വിവാദ കാർഷിക നിയമങ്ങൾ പിൻവലിച്ചതെന്നും ഈ സമയം കർഷകർ (Farmers are our martyrs) കടന്നുപോയ മോശം സാഹചര്യങ്ങളിൽ പ്രധാനമന്ത്രി നരേന്ദ്രമോദി മാപ്പ് പറയണമെന്നും സീതാറാം യെച്ചൂരി പറഞ്ഞു.
വ്യവസായ ഭീമന്മാരെ സഹായിക്കാനാണ് കർഷകരെ ദ്രോഹിക്കുന്ന കർഷക നിയമങ്ങൾ കൊണ്ടുവന്നതെന്നും സീതാറാം യെച്ചൂരി പറഞ്ഞു. കർഷക പ്രതിഷേധത്തിനിടെ ഇതുവരെ 750ഓളം കർഷകരാണ് മരിച്ചതെന്നും അവർ ധീര രക്ഷസാക്ഷികളാണെന്നും യെച്ചൂരി പറഞ്ഞു.
ഗുരുനാനാക് ജയന്തി ആഘോഷത്തിൽ രാജ്യത്തെ അഭിസംബോധന ചെയ്യവെയാണ് പ്രധാനമന്ത്രി നരേന്ദ്രമോദി വിവാദമായ മൂന്ന് കാർഷിക നിയമങ്ങൾ പിൻവലിക്കുന്നതായി അറിയിച്ചത്. വരുന്ന ശൈത്യകാല പാർലമെന്‍റ് സമ്മേളനത്തിൽ നിയമങ്ങൾ പിൻവലിക്കുമെന്നായിരുന്നു പ്രധാനമന്ത്രിയുടെ പ്രഖ്യാപനം.
വിവാദമായ മൂന്ന് കാർഷിക നിയമങ്ങൾ റദ്ദാക്കിയാല്‍ മാത്രമേ പ്രതിഷേധ സമരം അവസാനിപ്പിക്കുള്ളുവെന്ന് ഭാരതീയ കിസാന്‍ യൂണിയന്‍ നേതാവ് രാകേഷ് ടിക്കായത്ത് പ്രതികരിച്ചു. വിളകളുടെ മിനിമം താങ്ങുവില ഉൾപ്പടെയുള്ള വിഷയങ്ങളിൽ സർക്കാർ കർഷകരുമായി കാര്യക്ഷമമായി സംസാരിക്കണമെന്നും അദ്ദേഹം വ്യക്തമാക്കി.
READ MORE:Indian Farm Laws| മുട്ടുമടക്കി കേന്ദ്രം; വിവാദ കാര്‍ഷിക നിയമങ്ങള്‍ പിന്‍വലിക്കും
