ന്യൂഡല്‍ഹി: ലഖിംപൂർ ഖേരി സംഘർഷത്തിൽ പ്രധാനമന്ത്രി നരേന്ദ്ര മോദിയുടെ മൗനത്തെ പരിഹസിച്ച് കോൺഗ്രസ് നേതാവ് കപിൽ സിബൽ. പ്രധാനമന്ത്രിയിൽ നിന്ന് ഒരു സഹതാപം മാത്രമാണ് ആവശ്യമെന്നും അത് അത്ര ബുദ്ധിമുട്ട് ഉള്ള കാര്യമല്ല എന്ന് കപിൽ സിബൽ ട്വിറ്ററിൽ കുറിച്ചു.
പ്രതിപക്ഷത്തായിരുന്നുവെങ്കിൽ എങ്ങനെ പ്രതികരിക്കുമായിരുന്നുവെന്നും രാജ്യസഭ എംപി കൂടിയായ കപിൽ സിബൽ പ്രധാനമന്ത്രിയോട് ചോദിച്ചു. ലഖിംപൂർ ഖേരി അക്രമത്തിൽ സ്വമേധയാ നടപടിയെടുക്കണമെന്ന് ഈ ആഴ്ച കപിൽ സിബൽ സുപ്രീംകോടതിയോട് അഭ്യർഥിച്ചിരുന്നു.