മംഗളൂരു: ഉഡുപ്പിയില്‍ സ്‌കൂള്‍ പരിസരങ്ങളില്‍ നിരോധനാജ്ഞ പ്രഖ്യാപിച്ച് ജില്ല ഭരണകൂടം. ഫെബ്രുവരി 14 മുതല്‍ 19 വരെയാണ് ജില്ലയിലെ എല്ലാ ഹൈസ്‌കൂള്‍ പരിസരങ്ങളിലും നിരോധനാജ്ഞ പ്രഖ്യാപിച്ചിരിക്കുന്നത്. ഹിജാബ്-കാവി ഷാള്‍ വിവാദത്തിന് പിന്നാലെ അടച്ചിട്ട സ്‌കൂളുകള്‍ തിങ്കളാഴ്‌ച മുതല്‍ വീണ്ടും തുറക്കുന്നതിന്‍റെ പശ്ചാത്തലത്തിലാണ് തീരുമാനം.
ഫെബ്രുവരി 14 രാവിലെ 6 മുതൽ ഫെബ്രുവരി 19 വൈകുന്നേരം 6 വരെയാണ് നിരോധനാജ്ഞ. എല്ലാ ഹൈസ്‌കൂളുകളുടെയും 200 മീറ്റർ ചുറ്റളവിൽ നിരോധനാജ്ഞ ഏര്‍പ്പെടുത്തണമെന്ന് ജില്ല പൊലീസ് സൂപ്രണ്ട്, ഡെപ്യൂട്ടി കമ്മിഷണർ എം കുർമ റാവുവിനോട് അഭ്യര്‍ഥിച്ചിരുന്നു.