സേലം- ചെന്നൈ വിമാന സർവീസ് പുന:രാരംഭിച്ചു

സേലത്ത് നിന്ന് ചെന്നൈയിലേക്കുള്ള യാത്ര വിമാന സര്‍വീസ് കൊവിഡ് വ്യാപനത്തെ തുടര്‍ന്ന് രണ്ട് തവണ നിർത്തിവച്ചിരുന്നു.

ചെന്നൈ: ലോക്ക്‌ഡൗണിനെ തുടര്‍ന്ന് നിര്‍ത്തിവെച്ച സേലം- ചെന്നൈ വിമാന സർവീസ് പുന:രാരംഭിച്ചു. രണ്ട് തവണ നിര്‍ത്തിവച്ചതിന് ശേഷമാണ് സര്‍വീസ് പുന:രാരംഭിച്ചത്.

സേലം- ചെന്നൈ വിമാന സര്‍വീസ് ചൊവ്വാഴ്‌ച പുനരാരംഭിക്കുമെന്ന് സേലം എയർപോർട്ട് ഡയറക്‌ടര്‍ വി.കെ രവീന്ദ്ര ശർമ അറിയിച്ചു. സേലം കമലാപുരത്ത് നിന്ന് എല്ലാ ദിവസവും ചെന്നൈയിലേക്ക് വിമാന സര്‍വീസുണ്ട്. സമയക്രമം പതിവുപോലെ ആയിരിക്കുമെന്നും അദ്ദേഹം വ്യക്തമാക്കി.

തമിഴ്‌നാട്ടിൽ സമ്പൂർണ കർഫ്യൂ ഏർപ്പെടുത്തിയതിനാൽ യാത്ര ചെയ്യുന്നവരുടെ എണ്ണം കുറഞ്ഞിട്ടുണ്ട്. മെയ് 13 ന് സേലം- ചെന്നൈ പാസഞ്ചർ വിമാനങ്ങൾ 10 ദിവസത്തേക്ക് നിർത്തിവച്ചിരുന്നു. മെയ് 23 ന് പുന:രാരംഭിച്ച വിമാന സര്‍വീസ് മെയ് 25 ന് വീണ്ടും നിർത്തിവച്ചു.