കാൺപൂരില്‍ ബസും ലോഡറും കൂട്ടിയിടിച്ച് 17 മരണം ;നിരവധി പേർക്ക് പരിക്ക്

പ്രധാനമന്ത്രി മരിച്ചവരുടെ കുടുംബങ്ങൾക്ക് രണ്ട് ലക്ഷം രൂപ വീതം അടിയന്തര സഹായം പ്രഖ്യാപിച്ചിട്ടുണ്ട്.

ലക്‌നൗ:ഉത്തർപ്രദേശിലെ കാൺപൂർ-അലഹബാദ് ദേശീയപാതയിൽ ബസ് ലോഡറിലിടിച്ച് 17 മരണം. ആറ് പേർക്ക് പരിക്കേറ്റു.

അപകടത്തിന്‍റെ ആഘാതത്തെത്തുടർന്ന് ചിലർ സംഭവസ്ഥലത്ത് തന്നെ മരിച്ചതായി പൊലീസ് സൂപ്രണ്ട് അഷ്ടഭുജ പ്രസാദ് സിങ് പറഞ്ഞു. പരിക്കേറ്റ രണ്ടു പേരുടെ നില അതീവ ഗുരുതരമാണെന്നും ഇവരെ ലാല ലജ്പത് റായ് ആശുപത്രിയിൽ പ്രവേശിപ്പിച്ചതായി അഷ്ടഭുജ കൂട്ടിച്ചേർത്തു.

കാൺപൂരിലെ അപകടത്തിൽ ജീവൻ നഷ്ടപ്പെട്ടവരുടെ കുടുംബത്തിന് പ്രധാന മന്ത്രി നരേന്ദ്ര മോദി അനുശോചനം രേഖപ്പെടുത്തി. മരണപ്പെട്ടവരുടെ കുടുംബങ്ങൾക്ക് രണ്ട് ലക്ഷം രൂപ വീതം അടിയന്തര സഹായം നൽകാനും പരിക്കേറ്റവർക്ക് ശരിയായ ചികിത്സ ഉറപ്പാക്കാനും നിർദേശിച്ചിട്ടുണ്ട്.