'Ghoulish Epicaricacy' ; ഷാരൂഖ് ഖാനെ വേട്ടയാടുന്നതിനെതിരെ ശശി തരൂർ

മുംബൈ തീരത്ത് ആഡംബര കപ്പലിൽ മയക്കുമരുന്ന് പിടിച്ചെടുത്തതുമായി ബന്ധപ്പെട്ട് ഞായറാഴ്ച വൈകുന്നേരമാണ് ആര്യന്‍ ഖാന്‍ ഉള്‍പ്പടെ എട്ട് പേരെ എൻസിബി അറസ്റ്റ് ചെയ്തത്

ന്യൂഡൽഹി : മകൻ ആര്യൻ ഖാനെ ലഹരി പാർട്ടിയുമായി ബന്ധപ്പെട്ട് അറസ്റ്റ് ചെയ്‌ത സംഭവത്തിൽ പിതാവും ബോളിവുഡ് താരവുമായ ഷാരൂഖ് ഖാനെ വേട്ടയാടുന്നതിനെതിരെ ഡോ. ശശി തരൂര്‍ എംപി.

മറ്റുള്ളവരുടെ ദുഖത്തിൽ സന്തോഷം കണ്ടെത്തുന്ന പ്രവർത്തി (Ghoulish Epicaricacy) അറപ്പ് ഉളവാക്കുന്നതാണെന്നും സംഭവത്തില്‍ സഹതാപമുണ്ടാവുകയാണ് വേണ്ടതെന്നും ശശി തരൂർ പറഞ്ഞു.

പൊതുവായ ദൃശ്യം വളരെ മോശമാണെന്നും അതിൽ 23വയസുകാരനെ നിർബന്ധപൂർവം പ്രതി ചേർക്കേണ്ടതില്ലെന്നും ശശി തരൂർ ട്വിറ്ററിൽ കുറിച്ചു.

മുംബൈ തീരത്ത് ആഡംബര കപ്പലിൽ നിരോധിത മയക്കുമരുന്നുകൾ പിടിച്ചെടുത്തതുമായി ബന്ധപ്പെട്ട് ഞായറാഴ്ച വൈകുന്നേരമാണ് ആര്യന്‍ ഖാന്‍ ഉള്‍പ്പടെ എട്ട് പേരെ എൻസിബി അറസ്റ്റ് ചെയ്തത്.

കേസുമായി ബന്ധപ്പെട്ട് ആര്യന്‍ ഖാന്‍റെ എന്‍സിബി കസ്റ്റഡി കാലാവധി മുംബൈ കോടതി ഈമാസം 7 വരെ നീട്ടി.