ഒഡിഷ (മയൂർഭഞ്ജ്): ചൂട് ദോശ, അതിനൊപ്പം തേങ്ങ ചട്‌ണി.. ഇഡ്ഡ്ലിക്കൊപ്പം തക്കാളി ചട്‌ണി.. ഉള്ളി ചട്‌ണി, പുതിന ചട്‌ണി, വെള്ളരിക്ക ചട്‌ണി, ശർക്കര ചട്‌ണി.. ഇനിയുമുണ്ട് ചട്‌ണിക്കഥയിലെ രുചി വൈവിധ്യം. ഈ പറഞ്ഞതിനെ കുറിച്ചൊന്നുമല്ല ഇനി പറയാൻ പോകുന്നത്. അതാണ് ഉറുമ്പ് ചട്‌ണി. പേര് കേട്ട് അമ്പരക്കേണ്ട..
ഈ രുചി വേറെ ലെവലാണ്.. പുളിയുറുമ്പ് ചട്‌ണിയാകുന്ന (ഉറുമ്പ് ചട്‌ണി) ദൃശ്യവും കഥയും
കുറച്ച് ചുവന്ന ഉറുമ്പും അതായത് നമ്മുടെ പുളിയുറുമ്പ്... അതിനൊപ്പം പച്ചമുളകും ഇഞ്ചിയും വെളുത്തുള്ളിയും മല്ലിയിലയും ഉപ്പും ചേർത്ത് അരച്ചെടുത്താല്‍ ഉറുമ്പ് ചട്‌ണി റെഡി. പറയുമ്പോൾ സംഗതി എളുപ്പമാണ്. പക്ഷേ അത്ര എളുപ്പമല്ല ഉറുമ്പ് ചട്‌ണി ഉണ്ടാക്കിയെടുക്കാൻ. ഭക്ഷണമായി മാത്രമല്ല, ആദിവാസികൾ മരുന്നായിട്ടാണ് ഉറുമ്പ് ചട്‌ണി അധികവും ഉപയോഗിക്കുന്നത്. കാരണം പ്രധാന സംഗതിയായ പുളിയുമ്പിനെ കിട്ടണമല്ലോ..