ജയ്‌പൂര്‍: കൊവിഡ് മഹാമാരിയില്‍ മാതാപിതാക്കളെ നഷ്ടപ്പെട്ട കുട്ടികള്‍ക്ക് ധനസഹായം പ്രഖ്യാപിച്ച് രാജസ്ഥാൻ. അടിയന്തര ധനസഹായമായി ഒരു ലക്ഷം രൂപ കുട്ടികള്‍ക്ക് നല്‍കുമെന്ന് മുഖ്യമന്ത്രി അശോക് ഗെഹ്‌ലോട്ട്. 18 വയസ് വരെ പ്രതിമാസം 2500 രൂപയും 18 വയസ് പൂർത്തിയാകുമ്പോൾ 5 ലക്ഷം രൂപയും നല്‍കും.
ഹയര്‍ സെക്കൻഡറി വിദ്യാഭ്യാസവും സൗജന്യമായിരിക്കും. കൂടാതെ 'മുഖ്യമന്ത്രി കൊവിഡ് ബാൽ കല്യാൺ യോജന' പ്രകാരമുള്ള മറ്റ് ആനുകൂല്യങ്ങളും കുട്ടികള്‍ക്ക് നൽകും.