Rajasthan s Nandini Gupta crowned Femina Miss India 2023: ഫെമിന മിസ് ഇന്ത്യ വേൾഡ് 2023 ആയി രാജസ്ഥാന്‍റെ നന്ദിനി ഗുപ്‌ത. മണിപ്പൂരില്‍ ശനിയാഴ്‌ച നടന്ന പ്രൗഢ ഗംഭീരമായ ചടങ്ങിലാണ് നന്ദിനി ഗുപ്‌ത കിരീടമണിഞ്ഞത്. ഡൽഹിയിയുടെ ശ്രേയ പൂഞ്ച ഫസ്‌റ്റ് റണ്ണറപ്പും, മണിപ്പൂരിലെ തൗനോജം സ്‌ട്രേല ലുവാങ്ങിന സെക്കന്‍ഡ് റണ്ണറപ്പുമാണ്.
Femina Miss India World 2023 : നന്ദിനി ഗുപ്‌ത, ശ്രേയ പൂഞ്ച, തൗനോജം സ്‌ട്രേല ലുവാങ് എന്നിവര്‍ കിരീടം ചൂടി നില്‍ക്കുന്ന ചിത്രം പങ്കുവച്ച് ഫെമിന മിസ് ഇന്ത്യ അധികൃതര്‍ ഇന്‍സ്റ്റഗ്രാമില്‍ ഇങ്ങനെ കുറിച്ചു. 'അഭിനന്ദനങ്ങള്‍. ഈ സ്‌തീകൾക്കെല്ലാം ശക്തമായ ശബ്‌ദമുണ്ട്. അവർ വിശ്വസിക്കുന്ന എല്ലാ പ്രധാന കാര്യങ്ങളും മുന്നോട്ട് കൊണ്ടുപോകാൻ അവർ ഈ പ്ലാറ്റ്‌ഫോം ഉപയോഗിക്കുമെന്ന് ഞങ്ങൾക്ക് ഉറപ്പുണ്ട്. ഈ സ്ഥാനങ്ങൾക്കായി അവര്‍ എത്ര കഠിനാധ്വാനം ചെയ്‌തുവെന്ന് ഞങ്ങൾ കണ്ടു. ഇത് പാർട്ടിക്കുള്ള സമയമാണ്, അഭിനന്ദനങ്ങള്‍ യുവതികളേ, നമുക്ക് ഷാംപെയ്ൻ പൊട്ടിച്ച് ആഘോഷിക്കാം! '.
Femina Miss India World 2023 at Khuman Lampak Stadium in Manipur: രാജസ്ഥാനിലെ കോട്ട സ്വദേശിയാണ് 19 കാരിയായ നന്ദിനി ഗുപ്‌ത. ബിസിനസ് മാനേജ്‌മെന്‍റിൽ ബിരുദധാരിയാണ്. മണിപ്പൂരിലെ ഇംഫാലിലെ ഖുമാന്‍ ലംപക്കിലുള്ള ഇന്‍ഡോര്‍ സ്‌റ്റേഡിയത്തില്‍ വച്ചായിരുന്നു 59ാമത് മിസ് ഇന്ത്യ മത്സരം നടന്നത്.