പുല്‍വാമ (ജമ്മു കശ്‌മീര്‍): രാജ്യത്തെ നടുക്കിയ പുൽവാമ ഭീകാരക്രണം നടന്നിട്ട് ഇന്ന് മൂന്ന് വര്‍ഷം തികയുന്നു. കമാൻഡോ പരിശീലന കേന്ദ്രമായ ലെത്‌പോറയിൽ (അവന്തിപോറ) സംഘടിപ്പിച്ച ചടങ്ങിൽ, ചാവേർ ആക്രമണത്തിൽ കൊല്ലപ്പെട്ട 40 സിആർപിഎഫ് ജവാന്മാർക്ക് സിആർപിഎഫ് ആദരാഞ്ജലി അർപ്പിച്ചു. വീരമൃത്യു വരിച്ച ജവാൻമാർക്ക് വേണ്ടി രണ്ട് മിനിറ്റ് മൗനം ആചരിച്ചു.
രാജ്യത്തെ നടുക്കിയ പുല്‍വാമ ഭീകരാക്രമണത്തിന് മൂന്നാണ്ട്
'ഈ ദിവസം ഞങ്ങൾക്ക് ദു:ഖകരമായ ദിവസമാണ്. ഞങ്ങൾക്ക് സഹപ്രവർത്തകരെ നഷ്‌ടപ്പെട്ടു. എന്നാല്‍ ഞങ്ങളുടെ മനോവീര്യം കുറഞ്ഞിട്ടില്ല. ഞങ്ങൾ ഇപ്പോഴും ശക്തരാണ്. ശത്രുക്കളുടെ ഏത് ആക്രമണവും നേരിടാൻ തയ്യാറാണ്,' ഒരു സിആർപിഎഫ് ഉദ്യോഗസ്ഥൻ പറഞ്ഞു.