പുൽവാമ: അജ്ഞാതരില്‍ നിന്നും വെടിയേറ്റതിനെ തുടര്‍ന്ന് ചികിത്സയിലായിരുന്ന ആര്‍.പി.എഫ് (റെയിൽവേ പ്രൊട്ടക്ഷൻ ഫോഴ്‌സ്) എസ്.ഐ ദേവ് രാജ് മരിച്ചു. ശ്രീനഗറിലെ എസ്.എച്ച്.എം.എസ് ആശുപത്രിയില്‍വച്ച് ശനിയാഴ്‌ച രാവിലെയാണ് മരണം സംഭവിച്ചത്. തെക്കൻ കശ്‌മീരിലെ പുൽവാമയിലാണ് ആക്രമണമുണ്ടായത്.
ഏപ്രില്‍ 18 ന് വൈകുന്നേരം കാകപുരയിലുണ്ടായ സംഭവത്തില്‍ ദേവ് രാജിനുപുറമെ ആര്‍.പി.എഫ് ഹെഡ് കോണ്‍സ്‌റ്റബിള്‍ എച്ച്.സി സുരീന്ദർ കുമാറിനും വെടിയേറ്റിരുന്നു. ഇയാള്‍ നേരത്തേ മരണത്തിന് കീഴടങ്ങി.