ലഖ്‌നൗ : യുപി സര്‍ക്കാര്‍ തന്‍റെ ഫോണ്‍ ചോര്‍ത്തുന്നുവെന്ന് എഐസിസി ജനറല്‍ സെക്രട്ടറി പ്രിയങ്ക ഗാന്ധി. മക്കളുടെ ഇൻസ്റ്റാഗ്രാം അക്കൗണ്ടുകൾ നിരന്തരം ഹാക്ക് ചെയ്യപ്പെടുകയുമാണ്. യോഗി സര്‍ക്കാര്‍ എന്തിനാണ് തങ്ങളെ ഇങ്ങനെ ഭയപ്പെടുന്നതെന്നും പ്രിയങ്ക ചോദിച്ചു.
ഉത്തർപ്രദേശിലെ യോഗി സർക്കാർ തന്‍റെ ഫോൺ ചോർത്തുന്നതായി മുൻ യുപി മുഖ്യമന്ത്രി അഖിലേഷ് യാദവും അടുത്തിടെ ആരോപിച്ചിരുന്നു. ഇതിന് പിന്നാലെയാണ് യുപിയിലെ യോഗി ആദിത്യനാഥ് സർക്കാരിനും കേന്ദ്രസർക്കാരിനുമെതിരെ പ്രിയങ്ക ഗാന്ധി രംഗത്തെത്തിയത്.