ന്യൂഡൽഹി: സൈനികരുമായി പ്രധാനമന്ത്രി നരേന്ദ്രമോദി മധുരം പങ്കുവച്ചതിലൂടെ സംസ്‌കാരവും സന്തോഷവുമാണ് പങ്കുവച്ചതെന്ന് കേന്ദ്ര ആഭ്യന്തരമന്ത്രി അമിത്‌ ഷാ. നരേന്ദ്രമോദി സൈനികരുമായി മധുരം പങ്കിടുന്ന ചിത്രം പങ്കുവച്ചുകൊണ്ടായിരുന്നു അമിത്‌ ഷായുടെ പ്രതികരണം.
നൗഷേരയിൽ നിന്നുള്ള മനോഹരമായ ചിത്രങ്ങൾ! നരേന്ദ്രമോദി മധുരം മാത്രമല്ല പങ്കുവക്കുന്നത് മറിച്ച് ധീരരായ സൈനികർക്കൊപ്പം സംസ്‌കാരം, പാരമ്പര്യം, സന്തോഷം എന്നിവ കൂടിയാണ്. അമിത്‌ ഷാ ട്വിറ്ററിൽ കുറിച്ചു.
തുടർച്ചയായി കഴിഞ്ഞ വർഷങ്ങളിൽ പ്രധാനമന്ത്രി നരേന്ദ്രമോദി ദീപാവലി സൈനികർക്കൊപ്പമാണ് ആഘോഷിക്കുന്നത്. സൈനിക വേഷത്തിലായിരുന്നു അദ്ദേഹം സൈനികരുമായി മധുരം പങ്കുവച്ചത്.