ഹൈദരാബാദ്: ബോളിവുഡ് താരം പരിണീതി ചോപ്രയും ആം ആദ്‌മി പാർട്ടി നേതാവ് രാഘവ് ഛദ്ദയുടെയും വിവാഹം അടുത്തിടെ വാര്‍ത്തകളില്‍ നിറഞ്ഞിരുന്നു. താരവിവാഹത്തിന്‍റെ ചിത്രങ്ങളും വീഡിയോസുമെല്ലാം സോഷ്യല്‍ മീഡിയയില്‍ വൈറലായിരുന്നു. വിവാഹത്തിന് പിന്നാലെ ഇപ്പോള്‍ 2023 ലെ ലാക്‌മെ ഫാഷൻ വീക്കിൽ എത്തിയ നടിയുടെ ചിത്രങ്ങളാണ് ട്രെന്‍ഡിങ്ങായത് (Parineeti Chopra first runway after marriage).
സാരിയണിഞ്ഞ്‌ നെറ്റിയില്‍ സിന്ദുരം ചാര്‍ത്തി എത്തിയ പരിണീതി ചോപ്ര ഫാഷന്‍ വീക്കില്‍ ആരാധകശ്രദ്ധ പിടിച്ചുപറ്റി (Parineeti chopra at lakme fashion week). പരമ്പരാഗത സിന്ദൂരവും പിങ്ക് നിറത്തിലുള്ള ചൂരകളും കൊണ്ട്‌ രൂപം പൂർണമാക്കി പരിണീതി ചോപ്ര റൺവേയിലൂടെ നടക്കുമ്പോൾ പ്രകാശഭരിതമായ പുഞ്ചിരി പ്രകടമാക്കി. അതിഗംഭീരമായ ഫാഷൻ റാംപിൽ താരം തന്‍റെ പേസ്റ്റൽ സാരിയിൽ അതിശയിപ്പിക്കുന്ന മനോഹാരിത ചൊരിഞ്ഞു.
കഴിഞ്ഞ മാസം രാജസ്ഥാനിലെ ഉദയ്‌പൂരിൽ നടന്ന വിവാഹ ചടങ്ങിന് ശേഷമുള്ള പരിണീതിയുടെ ആദ്യ റാംപ് വോക്കാണിത്. വിവാഹത്തിന് മുമ്പുള്ള ആഘോഷങ്ങൾ ഡൽഹിയിൽ നടന്ന അർദാസ് ചടങ്ങോടെ ആരംഭിച്ചിരുന്നു. തുടർന്ന് അടുത്ത സുഹൃത്തുക്കളുമായും കുടുംബാംഗങ്ങളുമായുമുള്ള സൂഫി രാത്രി. ഉദയ്‌പൂരിൽ മെഹന്ദി ചടങ്ങ്, ഹൽദി, ബോളിവുഡ് ശൈലിയിലുള്ള സംഗീതം എന്നിവയോടെയുള്ള ആഘോഷങ്ങൾ തുടർന്നു. മ്യൂസിക്കൽ ചെയറുകൾ, ലെമൺ ആൻഡ് സ്‌പൂൺ റേസ്, പിന്നെ ക്രിക്കറ്റ് കളി എന്നിങ്ങനെയുള്ള രസകരമായ പരിപാടികൾ ഉൾക്കൊണ്ടാണ്‌ ഗംഭീരമായ വിവാഹം അവസാനിച്ചത്.
ALSO READ:ആദ്യം വിവാഹാഭ്യര്‍ത്ഥന നടത്തിയത് പരിണീതി ചോപ്ര ; രാഘവിന്‍റെ വീട്ടിൽ ഗംഭീര സ്വീകരണം