ഷോപ്പിയാനിൽ ഏറ്റുമുട്ടൽ ; സുരക്ഷാസേന ഭീകരനെ വധിച്ചു

സുരക്ഷാസേനയും തീവ്രവാദികളും തമ്മിലുള്ള ഏറ്റുമുട്ടൽ തുടരുകയാണ്.

ഷോപ്പിയാൻ : ജമ്മു കശ്‌മീരിലെ ഷോപ്പിയാനിലുണ്ടായ ഏറ്റുമുട്ടലിൽ സുരക്ഷാസേന തീവ്രവാദിയെ വധിച്ചു. ദക്ഷിണ കശ്‌മീരിലെ സിർമൽ പ്രദേശത്ത് സുരക്ഷാസേനയും തീവ്രവാദികളും തമ്മിൽ ഏറ്റുമുട്ടൽ തുടരുകയാണ്. വധിക്കപ്പെട്ട തീവ്രവാദിയെ ഇതുവരെ തിരിച്ചറിഞ്ഞിട്ടില്ല.

സുരക്ഷാസേനയ്ക്ക് ലഭിച്ച വിവരത്തിന്‍റെ അടിസ്ഥാനത്തിൽ സിർമൽ പ്രദേശത്ത് സേന റെയ്‌ഡ് നടത്തുകയായിരുന്നു. തുടർന്ന് സുരക്ഷാസേന തീവ്രവാദികൾക്ക് നേരെ വെടിയുതിർത്തു. ഇതോടെ ഇന്ത്യൻ സേന ശക്തമായി തിരിച്ചടിക്കുകയാണ്.