ന്യൂഡൽഹി:ഡൽഹി ഉൾപ്പെടെ ഇന്ത്യയിലെ വിവിധ ഭാഗങ്ങളിൽ തീവ്രവാദ ആക്രമണങ്ങൾ നടത്താൻ ഗൂഡാലോചന നടത്തിയ പാകിസ്ഥാന്‍ ലഷ്കർ ഭീകരന് പ്രത്യേക എൻഐഎ കോടതി പത്ത് വർഷം കഠിന തടവും പിഴയും വിധിച്ചു.
ബഹാദുർ അലി എന്ന പാക് ഭീകരനെയാണ് ബുധനാഴ്ച എൻഐഎ കോടതി ഐപിസി, യുഎപിഎ എന്നീ വിവിധ വകുപ്പുകൾ ചുമത്തി ശിക്ഷിച്ചത്. അലിയുടെ ഒപ്പമുണ്ടായിരുന്ന അബു സാദ്, അബു ദർദ എന്നീ ഭീകരർ അനധികൃതമായി ജമ്മു കശ്മീരിലേക്ക് വന്നെന്നും ഡൽഹി ഉൾപ്പെടെ ഇന്ത്യയിലെ വിവിധ ഭാഗങ്ങളിൽ ഭീകരാക്രമണങ്ങൾ നടപ്പിലാക്കുന്നതിനായി പദ്ധതിയിട്ടിരുന്നതായും എൻഐഎ ഉദ്യോഗസ്ഥൻ പറഞ്ഞു.