ന്യൂഡല്‍ഹി: ദേശീയ ദുരന്ത നിവാരണ സേനയുടെ ധൈര്യവും കര്‍മനിരതയും അങ്ങേയറ്റം പ്രചോദനാത്മകമാണെന്ന് പ്രധാനമന്ത്രി നരേന്ദ്ര മോദി. 16ാമത് ദേശീയ ദുരന്ത നിവാരണ സേന ദിനത്തോടനുബന്ധിച്ചായിരുന്നു പ്രധാനമന്ത്രിയുടെ പ്രതികരണം.
നിരവധി രക്ഷാപ്രവർത്തനങ്ങളിലും ദുരിതാശ്വാസ നടപടികളിലും ദേശീയ ദുരന്ത നിവാരണ സേന മുൻ‌പന്തിയിലുണ്ടെന്ന് മോദി പറഞ്ഞു. ദേശീയ ദുരന്ത നിവാരണ സേനാംഗങ്ങളെ കഠിനാധ്വാനികളെന്ന് വിശേഷിപ്പിച്ച മോദി അവരെ അഭിനന്ദിക്കുകയും ചെയ്‌തു.
'ദേശീയ ദുരന്ത നിവാരണ സേനയുടെ ധൈര്യവും കര്‍മ്മനിരതയും അങ്ങേയറ്റം പ്രചോദനാത്മകമാണ്. അവരുടെ ഭാവി യത്നങ്ങൾക്ക് ആശംസകൾ,' പ്രധാനമന്ത്രി ട്വിറ്ററില്‍ കുറിച്ചു.