ഇന്‍ഡോര്‍: കൊറോണ വൈറസിനെ തുരത്താന്‍ എയര്‍പോര്‍ട്ടില്‍ പൂജ നടത്തി മധ്യപ്രദേശ് ടൂറിസം സാംസ്കാരിക മന്ത്രി ഉഷാ താക്കൂര്‍. എയര്‍പോര്‍ട്ട് ഡയറക്ടറടക്കമുള്ള ഉദ്യോഗസ്ഥരും പൂജയില്‍ പങ്കെടുത്തു. കൊവിഡിനെ തുരത്താന്‍ മന്ത്രി പൂജ നടത്തുന്ന ദൃശ്യങ്ങള്‍ സമൂഹമാധ്യമങ്ങളില്‍ വൈറലായിക്കഴിഞ്ഞു. പൂജ നടത്തിയ മന്ത്രി പക്ഷെ മാസ്ക് ധരിച്ചിരുന്നില്ല. വിവാദപരാമര്‍ശങ്ങളിലൂടെ കുപ്രസിദ്ധയാണ് എയര്‍പോര്‍ട്ടില്‍ പൂജ നടത്തിയ മന്ത്രി ഉഷാ താക്കൂര്‍. ഉത്തരാഖണ്ഡ് മുഖ്യമന്ത്രി തീരത് സിംഗ് റാവത്തിന്‍റെ 'കീറിയ ജീന്‍സ്' പരാമര്‍ശത്തെ പിന്തുണച്ച മന്ത്രി കീറിയ വസ്ത്രങ്ങള്‍ ദുശകുനമാണെന്നും പറഞ്ഞിരുന്നു.
കൊവിഡിനെ തുരത്താന്‍ എയര്‍പോര്‍ട്ടില്‍ 'പൂജ' നടത്തി മധ്യപ്രദേശ് മന്ത്രി