ഭോപ്പാല്‍: മധ്യപ്രദേശില്‍ പൊലീസ് ഉദ്യോഗസ്ഥക്ക് ലിംഗ മാറ്റ ശസ്‌ത്രക്രിയക്ക് അനുമതി. ഭോപ്പാല്‍ ജില്ല പൊലീസ് സേനയിലെ വനിത പൊലീസ് കോണ്‍സ്റ്റബിളാണ് ലിംഗ മാറ്റ ശസ്‌ത്രക്രിയയിലൂടെ ആണ്‍ ഉടലിലേക്ക് മാറുന്നത്. സംസ്ഥാനത്തിന്‍റെ ചരിത്രത്തിലാദ്യമായാണ് ഒരു വനിത പൊലീസ് ഉദ്യോഗസ്ഥ സര്‍വീസിലിരിക്കെ ജന്‍ഡര്‍ മാറുന്നത്.
ചെറിയ പ്രായം മുതലേ ജന്‍ഡര്‍ ഐഡന്‍റിറ്റി പ്രതിസന്ധി നേരിട്ടിരുന്ന ഇവര്‍ ഗ്വാളിയാറിലെ ഗാന്ധി മെഡിക്കല്‍ കോളജ്, ജയരോഗ് ആശുപത്രി എന്നിവിടങ്ങളിലെ ഡോക്‌ടര്‍മാരുമായി ബന്ധപ്പെട്ടു. ലിംഗ മാറ്റ ശസ്‌ത്രക്രിയക്ക് വിധേയരാകാന്‍ ഡോക്‌ടര്‍മാർ നിര്‍ദേശിച്ചു.