ഭക്ഷണത്തിൽ മായം ചേർക്കുന്നവർക്ക് മധ്യപ്രദേശില്‍ ജീവപര്യന്തം

ഭക്ഷണത്തിൽ മായം ചേർക്കുന്നതിനെതിരെ 2019 ഡിസംബറിൽ ഭോപ്പാലിൽ ബോധവത്‌കരണ റാലി നടത്തിയിരുന്നു.

ഭോപ്പാൽ: ഭക്ഷണത്തിൽ മായം ചേർക്കുന്നവർക്ക് ജീവപര്യന്തം തടവ് നൽകാനുള്ള നിയമത്തിന് മധ്യപ്രദേശ് മന്ത്രിസഭ അംഗീകാരം നൽകി. സംസ്ഥാന ആഭ്യന്തരമന്ത്രി നരോട്ടം മിശ്രയാണ് ബില്ലിന് മധ്യപ്രദേശ് മന്ത്രിസഭ അംഗീകാരം നൽകിയ വിവരം അറിയിച്ചത്. ഭക്ഷണത്തിൽ മായം ചേർക്കുന്നതിനെതിരെ 2019 ഡിസംബറിൽ ഭോപ്പാലിൽ ബോധവത്‌കരണ റാലി നടത്തിയിരുന്നു. റോഷൻപുര മുതൽ തലസ്ഥാന നഗരത്തിലെ ലാൽ പരേഡ് വരെ നടന്ന റാലിയിൽ നിരവധി പേർ പങ്കെടുത്തിരുന്നു.