ബെംഗളൂരു: കോളജിൽ ചേരുന്നതിനെച്ചൊല്ലി പിതാവുമായുള്ള തർക്കത്തെത്തുടർന്ന് 17 കാരി തൂങ്ങി മരിച്ചു. മകളുടെ മരണം അറിഞ്ഞ പിതാവ് ഹൃദയാഘാതത്തെ തുടർന്ന് മരിച്ചു. കർണാടകയിലെ മാണ്ഡ്യ ജില്ലയിലെ മല്ലവള്ളി താലൂക്കിലാണ് സംഭവം.
കോളജിൽ പ്രവേശിക്കുന്നതിനെച്ചൊല്ലി ബന്ദവ്യ എന്ന പതിനേഴ്‌കാരിയും പിതാവ് രാജുവും തമ്മിൽ ശനിയാഴ്‌ച രാത്രിയിൽ വഴക്കുണ്ടായി. തുടർന്ന് ഞായറാഴ്‌ച രാവിലെ ബന്ദവ്യയെ മുറിക്കുള്ളിൽ തൂങ്ങിമരിച്ച നിലയിൽ കണ്ടെത്തുകയായിരുന്നു. മകൾ മരിച്ചതറിഞ്ഞ പിതാവ് രാജു പെട്ടന്നുണ്ടായ ഹൃദയാഘാതത്തെ തുടർന്ന് മരിക്കുകയായിരുന്നു.