മഹാരാഷ്ട്രയില്‍ മകളെ പീഡിപ്പിച്ച അച്ഛന് 10 വര്‍ഷം കഠിന തടവ്
മഹാരാഷ്ട്രയിലെ പൽഘർ ജില്ലയിലെ തലസാരി സ്വദേശിയായ 43 കാരനെയാണ് ശിക്ഷിച്ചത്
മഹാരാഷ്ട്രയില്‍ മകളെ പീഡിപ്പിച്ച അച്ഛന് പത്ത് വര്‍ഷം കഠിന തടവ്
പാല്‍ഘാര്‍: മകളെ പീഡിപ്പിച്ചതിന് മഹാരാഷ്ട്രയിലെ പൽഘർ ജില്ലയിലെ തലസാരി സ്വദേശിയായ 43 കാരനെ 10 വർഷം തടവിന് ശിക്ഷിച്ചു. തുടര്‍ച്ചയായി പെണ്‍കുട്ടിയെ പീഡനത്തിനിരയാക്കിയതിനാണ് കഠിന തടവിന് കോടതി ശിക്ഷിച്ചത്. പാല്‍ഘാര്‍ അഡീഷണല്‍ സെഷന്‍സ് ജഡ്ജ് എസ് എസ് ഗുല്‍ഹാനെയാണ് ശിക്ഷ വിധിച്ചത്. ശിക്ഷക്കൊപ്പം 5000 രൂപ പിഴയും ഇയാള്‍ അടക്കണം. ഇരയുടെ രണ്ടാനച്ഛനാണ് പ്രതി. അമ്മയോടും രണ്ട് സഹോദരങ്ങളോടും ഒപ്പം തലസാരി ഗ്രാമത്തിൽ താമസിച്ചുവരികയായിരുന്നു പെണ്‍കുട്ടി. പീഡനത്തിനിരയായ പെൺകുട്ടി 2017 ഓഗസ്റ്റിലാണ് രണ്ടാനച്ഛനെതിരെ പരാതി നൽകിയത്.