കൊല്‍ക്കത്ത: വിവാദ പരാമര്‍ശം നടത്തിയ ബിജെപി മുൻ വക്താവ് നൂപുര്‍ ശര്‍മക്കെതിരെ ലുക്ക്ഔട്ട് നോട്ടിസ് പുറപ്പെടുവിച്ച് കൊല്‍ക്കത്ത പൊലീസ്. ചോദ്യം ചെയ്യലിന് ഹാജരാകണമെന്ന് കാണിച്ച് പൊലീസ് സമന്‍സ് അയച്ചിരുന്നു. എന്നാല്‍ നുപുര്‍ ശര്‍മ ഹാജരായില്ല. ഇതിനെ തുടര്‍ന്നാണ് ലുക്ക്ഔട്ട് നോട്ടിസ് ഇറക്കിയത്.
വിവാദ പരാമർശങ്ങളുടെ പേരിൽ കൊൽക്കത്തയിലെ ആംഹെർസ്റ്റ് സ്ട്രീറ്റ്, ബുർത്താല, നർക്കൽദംഗ പൊലീസ് സ്റ്റേഷനുകളിൽ നുപുര്‍ ശര്‍മക്കെതിരെ പരാതികൾ ലഭിച്ചിട്ടുണ്ട്. ഒന്നിലധികം തവണ പൊലീസ് സമന്‍സ് അയച്ചെങ്കിലും നാലാഴ്‌ചയിലധികമായി നുപുര്‍ ശര്‍മ ഒഴിഞ്ഞുമാറുകയായിരുന്നു. ജൂൺ 25ന് ആംഹെർസ്റ്റ് സ്ട്രീറ്റ് പൊലീസ് സ്‌റ്റേഷനിൽ നിന്ന് വിളിപ്പിച്ചെങ്കിലും അവർ ഹാജരായില്ല.