ചെന്നൈ : വണ്ടലൂരിലെ അരിഗ്‌നാര്‍ മൃഗശാലയിലെ നാല് സിംഹങ്ങളില്‍ കൊവിഡ് ഡെല്‍റ്റ വകഭേദം കണ്ടെത്തി. സിംഹങ്ങളുടെ സാമ്പിളുകളുടെ ജിനോം സിക്വൻസിങ് വഴിയാണ് വകഭേദം കണ്ടെത്തിയത്.
മെയ് 24നും 29നുമായി കൊവിഡ് സ്ഥിരീകരിച്ച 11 സിംഹങ്ങളുടെ സാമ്പിളുകള്‍ ഭോപ്പാലിലെ ഐസിഎആര്‍-നാഷണല്‍ ഇന്‍സ്റ്റിറ്റിയൂട്ട് ഓഫ് ഹൈ സെക്യൂരിറ്റി അനിമല്‍ ഡിസീസസിന് അയച്ചത്.
ജൂണ്‍ 3 ന് 9 സിംഹങ്ങളുടെ സാമ്പിളുകള്‍ കൊവിഡ് പോസിറ്റീവാണെന്ന് അധികൃതര്‍ അറിയിച്ചു. അന്നുമുതൽ ഇവയെ തീവ്രപരിചരണത്തിലാണ് സംരക്ഷിച്ചിരുന്നത്. പിന്നീട് മൃഗശാല അധികൃതര്‍ ആവശ്യപ്പെട്ടതിനെ തുടര്‍ന്നാണ് ജീനോം സീക്വന്‍സിങ്ങിന്‍റെ ഫലങ്ങള്‍ എൻഐഎച്ച്എസ്എഡി നല്‍കിയത്.
READ MORE: ചെന്നൈ മൃഗശാലയിൽ കൊവിഡ് ബാധിച്ച് ഒരു സിംഹം കൂടി ചത്തു
വണ്ടലൂരിലെ സുവോളജിക്കൽ പാർക്കിൽ ഒമ്പത് വയസുള്ള സിംഹവും 12 വയസ്സുള്ള ആണ്‍ സിംഹവും ഈ മാസം ആദ്യം കൊവിഡ് ബാധിച്ച് ചത്തിരുന്നു. വണ്ടലൂരിലെ 602 ഹെക്ടറിൽ വ്യാപിച്ചുകിടക്കുന്ന പാർക്ക്, കൊവിഡ് ലോക്ക്ഡൗണിനെ തുടര്‍ന്ന് അടച്ചിരുന്നു. സമ്പർക്കം ഒഴിവാക്കുന്നതിന് മൃഗശാലയിലെ മുഴുവൻ മൃഗങ്ങളെയും വെവ്വേറെ ഇടങ്ങളില്‍ പാർപ്പിച്ചിരിക്കുന്നത്.
മൃഗശാല ജീവനക്കാർക്ക് പൂർണമായി പ്രതിരോധ കുത്തിവയ്പ്പ് നൽകിക്കൊണ്ട് കൊവിഡ് വ്യാപനം തടയുന്നതിനുള്ള നടപടികളും ആരംഭിച്ചിട്ടുണ്ട്. ജീവനക്കാരെല്ലാം പിപിഇ കിറ്റ് ധരിക്കാനും അധികൃതർ നിർദേശം നൽകിയിട്ടുണ്ട്.
READ MORE: ചെന്നൈയിലെ മൃഗശാലയിൽ കൊവിഡ് ബാധിച്ച് സിംഹം ചത്തു
