മുംബൈയില്‍ അപ്പാർട്ട്മെന്‍റിൽ തീപിടിത്തം ; താഴേക്ക് ചാടിയയാള്‍ മരിച്ചു

തീപിടിത്തത്തിന്‍റെ കാരണം ഇതുവരെ വ്യക്തമായിട്ടില്ല

മുംബൈ :നഗരത്തിലെ ബഹുനില അപ്പാര്‍ട്ട്മെന്‍റില്‍ തീപിടിത്തം. അവിഗാന പാർക്ക് അപ്പാർട്ട്മെന്‍റിലാണ് ഉച്ചക്ക് 12ഓടെ അഗ്‌നിബാധയുണ്ടായത്. 'ലെവൽ മൂന്ന്' വിഭാഗത്തിൽ ഉൾപ്പെടുന്ന തീപിടിത്തമാണെന്നാണ് വിവരം. കാരണം വ്യക്തമായിട്ടില്ല. അണയ്ക്കാനുള്ള ശ്രമങ്ങള്‍ തുടരുകയാണ്.

തീപിടിത്തത്തെ തുടർന്ന് താഴേക്ക് ചാടിയ 30കാരൻ മരിച്ചു. അരുൺ തിവാരിയാണ് മരിച്ചത്. മുംബൈ മേയർ കിഷോരി പട്‌നേക്കർ ഉൾപ്പടെ ജനപ്രതിനിധികളും ഉദ്യോഗസ്ഥരും പൊലീസ് സന്നാഹവും രക്ഷാപ്രവര്‍ത്തനങ്ങള്‍ക്കായി സ്ഥലത്തുണ്ട്.