ലഖ്‌നൗ (ഉത്തർപ്രദേശ്): ലഖ്‌നൗവിൽ ഹൈക്കോടതി ജഡ്‌ജിയേയും ഭാര്യയേയും തോക്കുചൂണ്ടി ഭീഷണിപ്പെടുത്തി കവർച്ച നടത്തി ഭൂമി കയ്യേറ്റ മാഫിയ. മൊറാദാബാദ് ഹൈക്കോടതി അഡീഷണൽ ജഡ്‌ജി സോമനാഥ് സിങിനെയും ഭാര്യയേയുമാണ് 25ഓളം വരുന്ന സംഘം തോക്ക് ചൂണ്ടി മർദിച്ച ശേഷം കവർച്ച നടത്തിയത്. ഇവരിൽ നിന്ന സ്വർണമാല, ലൈസൻസുള്ള റിവോൾവർ, റൈഫിള്‍ എന്നിവ സംഘം തട്ടിയെടുത്തു. നവംബർ മൂന്നിനായിരുന്നു സംഭവം.
ഹൈക്കോടതി ജഡ്‌ജിക്കും ഭാര്യക്കും നേരെ ഭൂമാഫിയയുടെ ആക്രമണം; തോക്ക് ചൂണ്ടി സ്വർണവും റിവോൾവറും കവർന്നു
ലഖ്‌നൗവിലെ പാര പ്രദേശത്ത് സോമനാഥ് സിങിന്‍റെ പേരിലുള്ള വസ്‌തുവിലെ പത്തടിയോളം ഉയരമുള്ള സംരക്ഷണ ഭിത്തി പ്രദേശത്തുള്ള ഭൂമാഫിയ സംഘങ്ങൾ തകർത്തിരുന്നു. ജഡ്‌ജിയുടെ വസ്‌തുവിന്‍റെ പരിസരത്ത് താമസിക്കുന്ന അബ്ബാസ്, അലി മുഹമ്മദ്, ഇർഫാൻ, ഇർഫാന്‍റെ ഭാര്യ എന്നിവർ ചേർന്നാണ് മതിൽ തകർത്തത്. ഇത് പരിശോധിക്കാൻ സ്ഥലത്ത് എത്തിയതായിരുന്നു ജഡ്‌ജിയും ഭാര്യയും.