മഹാരാഷ്‌ട്ര: അര്‍ബുദത്തോട്‌ പൊരുതി ജയിച്ച തന്‍റെ അമ്മയെ കുറിച്ച്‌ സംസാരിക്കുന്നതിനിടെ വികാരധീനനായി ബോളിവുഡ്‌ ക്യൂട്ട്‌ താരം കാര്‍ത്തിക്‌ ആര്യന്‍. കഴിഞ്ഞ ദിവസം മുംബൈയിലെ ഒരു സ്വകാര്യ ആശുപത്രിയിൽ ക്യാൻസർ പ്രതിരോധ ബോധവൽക്കരണ പരിപാടിയില്‍ പങ്കെടുക്കവെയാണ് അര്‍ബുദവുമായുള്ള അമ്മയുടെ പോരാട്ടത്തെക്കുറിച്ചുള്ള താരത്തിന്‍റെ തുറന്നുപറച്ചില്‍.
Kartik Aaryan talks about his mom battling cancer: തന്‍റെ അമ്മയെ കുറിച്ചുള്ള കാര്‍ത്തിക്കിന്‍റെ വാക്കുകള്‍ ഏവരുടെയും ഹൃദയത്തെ സ്‌പര്‍ശിക്കുമെന്ന്‌ ഉറപ്പ്‌. അര്‍ബുദത്തെ കീഴടക്കിയ തന്‍റെ അമ്മയില്‍ തനിക്ക്‌ അഭിമാനമുണ്ടെന്ന്‌ താരം പറഞ്ഞു. പരിപാടിയില്‍ അമ്മയ്‌ക്കൊപ്പം കാര്‍ത്തിക്‌ ആര്യനും നൃത്തച്ചുവടുകള്‍ വച്ചു. അമ്മയ്‌ക്കൊപ്പം അര്‍ബുദത്തെ അതിജീവിച്ച ഒരു കൂട്ടം ആളുകൾ നൃത്തം ചെയ്യുന്ന വീഡിയോ ആണ് താരം ട്വിറ്ററില്‍ പങ്കുവച്ചിരിക്കുന്നത്‌. ഒപ്പം ഒരു കുറിപ്പും പങ്കുവച്ചിട്ടുണ്ട്‌.