കർണാടകയിൽ 4,517 പേർക്ക് കൂടി കൊവിഡ്

120 മരണം കൂടി ഇന്ന് സംസ്ഥാനത്ത് സ്ഥിരീകരിച്ചു.

ബെംഗളൂരു:സംസ്ഥാനത്ത് 4,517 പേർക്ക് കൂടി കൊവിഡ് സ്ഥിരീകരിച്ചു. 8,456 പേരാണ് രോഗമുക്തരായത്. ഇതോടെ സംസ്ഥാനത്ത് ഇതുവരെ രോഗമുക്തരായവരുടെ എണ്ണം 26,45,735 ആയി ഉയർന്നു.

120 മരണങ്ങളാണ് ഇന്ന് കൊവിഡ് മൂലമാണെന്ന് കർണാടകയിൽ സ്ഥിരീകരിച്ചത്. സംസ്ഥാനത്ത് ആകെ 33,883 കൊവിഡ് മരണങ്ങളാണ് ഇതുവരെ റിപ്പോർട്ട് ചെയ്‌തത്.

അതേസമയം, കർണാടകയിലെ ദക്ഷിണ കന്നഡ ജില്ലയിൽ ലോക്ക്ഡൗൺ ജൂലൈ 5 വരെ നീട്ടിയിട്ടുണ്ട്. അവശ്യവസ്‌തുക്കൾ വിൽക്കുന്ന കടകൾ ജില്ലയിൽ രാവിലെ ഏഴ് മുതൽ ഉച്ചക്ക് ഒരു മണി വരെ തുറക്കാൻ അനുവാദമുണ്ട്.