വെസ്‌റ്റ്‌ ബാങ്ക്:24 മണിക്കൂറിനിടെ ഇസ്രായേൽ സേന അധിനിവേശ വെസ്‌റ്റ്‌ ബാങ്കിൽ എട്ട് പലസ്‌തീനികളെ കൊന്നൊടുക്കിയതായി പലസ്‌തീൻ ആരോഗ്യ മന്ത്രാലയം അറിയിച്ചു. തീവ്രവാദികളുടെ ശക്തികേന്ദ്രമായ ജെനിനിലാണ് അഞ്ച് പലസ്‌തീനികൾ കൊല്ലപ്പെട്ടതായി പലസ്‌തീൻ ആരോഗ്യ മന്ത്രാലയം അറിയിച്ചത്.
ശനിയാഴ്‌ച രാവിലെ മുതൽ വെസ്‌റ്റ്‌ ബാങ്കിന്‍റെ പ്രത്യേക പ്രദേശങ്ങളിൽ മൂന്ന് പേർ കൊല്ലപ്പെട്ടിരുന്നു. ഗാസ മുനമ്പിൽ ഒക്‌ടോബർ 7 ന് തുടക്കമിട്ട ഹമാസ് ആക്രമണത്തിന് ശേഷം ആഴ്‌ചകൾക്കുള്ളിൽ വെസ്‌റ്റ്‌ ബാങ്കിൽ അക്രമണം വർധിച്ചിരുന്നു (Israeli forces kill at least 8 Palestinians in surging West Bank violence).
ഇസ്രായേൽ സൈന്യം ഡസൻ കണക്കിന് പലസ്‌തീനികളെ കൊല്ലുകയും നൂറുകണക്കിന് ആളുകളെ വെസ്‌റ്റ്‌ ബാങ്കിൽ അറസ്‌റ്റ്‌ ചെയ്യുകയും ചെയ്‌തു. ജൂത വെസ്‌റ്റ്‌ ബാങ്ക് കുടിയേറ്റക്കാരും ആക്രമണം ശക്തമാക്കിയിട്ടുണ്ട്. സെൻട്രൽ വെസ്‌റ്റ്‌ ബാങ്കിലെ അൽ-ബിരേഹിൽ കൊല്ലപ്പെട്ടവരിൽ ഒരാൾ കൗമാരക്കാരനാണെന്ന് മന്ത്രാലയം അറിയിച്ചു. ജെനിൻ അഭയാർത്ഥി ക്യാമ്പിലെ ഓപ്പറേഷനിൽ അഞ്ച് പലസ്‌തീനികളെ വെടിവെച്ച് കൊന്നതായി ഇസ്രായേൽ സൈന്യം പറഞ്ഞു.
എന്നാൽ വടക്കൻ ഗാസയുടെ ചുമതലയുള്ള മുതിർന്ന ഹമാസ് കമാൻഡർ യുദ്ധത്തിൽ കൊല്ലപ്പെട്ടതായി തീവ്രവാദ സംഘടന അറിയിച്ചു. അഹമ്മദ് അൽ ഗന്ദൂർ എപ്പോൾ കൊല്ലപ്പെട്ടുവെന്നോ എവിടെവച്ചാണ് കൊല്ലപ്പെട്ടതെന്നോ പറയാതെയാണ് തീവ്രവാദി സംഘം അദ്ദേഹത്തിന്‍റെ മരണം പ്രഖ്യാപിച്ചത്.
ഒക്‌ടോബർ 7-ന് ഇസ്രയേലിനെതിരായ ഹമാസിന്‍റെ ആക്രമണത്തെ തുടർന്നുണ്ടായ യുദ്ധത്തിൽ അറിയപ്പെടുന്ന ഗ്രൂപ്പിലെ ഏറ്റവും ഉയർന്ന റാങ്കുള്ള അംഗമാണ് അദ്ദേഹം. സംഘത്തിന്‍റെ സായുധ വിഭാഗത്തിലെ ഉന്നത അംഗവും വടക്കൻ ഗാസയിലെ ഹമാസിന്‍റെ ഉന്നത കമാൻഡറുമായിരുന്നു അൽ-ഗന്ദൂർ.
ഇസ്രായേൽ പലസ്‌തീൻ പോരാട്ടം:വെസ്‌റ്റ്‌ ബാങ്ക് കാർ വാഷിൽ ഇസ്രായേലി പിതാവിനെയും മകനെയും കൊലപ്പെടുത്തിയെന്ന് സംശയിക്കുന്ന പലസ്‌തീനിയെ അറസ്‌റ്റ്‌ ചെയ്‌തിരുന്നു. കൊല്ലപ്പെട്ടവർ തീവ്രവാദികളാണെന്ന് സൈന്യം പറഞ്ഞു. എന്നാൽ ഒരു തീവ്രവാദിഗ്രൂപ്പും അവർ അംഗങ്ങളാണെന്ന് അവകാശപ്പെട്ടിരുന്നില്ല.