പഞ്ചാബിൽ കരസേനയുടെ ഹെലികോപ്റ്റർ തകർന്നുവീണു

പത്താൻകോട്ടിൽ നിന്ന് 30 കിലോമീറ്റർ അകലെയുള്ള രഞ്ജിത് സാഗർ അണക്കെട്ടിലാണ് ഹെലികോപ്റ്റർ തകർന്നുവീണത്.

പത്താൻ കോട്ട്:പഞ്ചാബിലെരഞ്ജിത് സാഗർ അണക്കെട്ടിൽ ചൊവ്വാഴ്‌ച കരസേനയുടെ ഹെലികോപ്റ്റർ തകർന്നുവീണു. ആളപായത്തെപ്പറ്റി കൂടുതൽ വിവരങ്ങൾ ലഭ്യമല്ല. പത്താൻകോട്ടിൽ നിന്ന് 30 കിലോമീറ്റർ അകലെയാണ് രഞ്ജിത് സാഗർ അണക്കെട്ട്.

'കരസേനയുടെ ഹെലികോപ്റ്റർ തടാകത്തിൽ തകർന്നുവീണതായി ഞങ്ങൾക്ക് വിവരം ലഭിച്ചു. ഞങ്ങൾ ഞങ്ങളുടെ ടീമുകൾ സ്ഥലത്തെത്തിയിട്ടുണ്ട്. രക്ഷാ പ്രവർത്തനം പുരോഗമിക്കുന്നു', പഠാൻകോട്ട് സീനിയർ പൊലീസ് സൂപ്രണ്ട് സുരേന്ദ്ര ലാംബ പറഞ്ഞു.