COVID19: രാജ്യത്ത് 36,083 പേർക്ക് കൂടി രോഗം; 493 മരണം

രാജ്യത്ത് ആകെ രോഗികളുടെ എണ്ണം 3,21,92,576 ആയി. ആകെ മരണസംഖ്യ 4,31,225 ആണ്.

ന്യൂഡൽഹി: രാജ്യത്ത് കഴിഞ്ഞ 24 മണിക്കൂറിനിടെ 36,083 പേർക്ക് കൂടി കൊവിഡ് സ്ഥിരീകരിച്ചു. ഇതോടെ ആകെ രോഗികളുടെ എണ്ണം 3,21,92,576 ആയി ഉയർന്നു. 493 മരണം കൂടി കൊവിഡ് മൂലമാണെന്ന് കണ്ടെത്തിയതോടെ ആകെ മരണസംഖ്യ 4,31,225 ആയതായി ആരോഗ്യമന്ത്രാലയം അറിയിച്ചു. തുടർച്ചയായ 48ാം ദിവസമാണ് രാജ്യത്ത് 50,000ത്തിൽ താഴെ പ്രതിദിന കേസുകൾ റിപ്പോർട്ട് ചെയ്യുന്നതെന്നും മന്ത്രാലയം ചൂണ്ടിക്കാട്ടി.

രാജ്യത്ത് ഇതുവരെ 49,36,24,440 സാമ്പിളുകൾ പരിശോധിച്ചു. ഇവയിൽ വെള്ളിയാഴ്‌ച മാത്രം പരിശോധിച്ച സാമ്പിളുകളുടെ എണ്ണം 19,23,863 ആണ്. രാജ്യത്ത് രോഗമുക്തരായവരുടെ എണ്ണം 3,13,76,015 ആയി ഉയർന്നു. അതേസമയം മരണനിരക്ക് 1.34 ശതമാനമാണെന്ന് റിപ്പർട്ടുകൾ സൂചിപ്പിക്കുന്നു. 24 മണിക്കൂറിനിടെ 73,50,553 പേർക്കാണ് വാക്‌സിൻ നൽകിയത്. രാജ്യത്ത് ശനിയാഴ്‌ച രാവിലെ വരെ 54,38,46,290 പേർക്ക് വാക്‌സിനേഷൻ നൽകിയിട്ടുണ്ട്.