India covid:1761 പുതിയ കൊവിഡ് രോഗികള്‍; രണ്ട്‌വര്‍ഷത്തിനിടയിലെ ഏറ്റവും കുറഞ്ഞ കണക്ക്

688 ദിവസത്തിന് ശേഷമുള്ള ഏറ്റവും കുറഞ്ഞ പ്രതിദിന രോഗബാധയാണ് ഇന്ന് രാജ്യത്ത് രേഖപ്പെടുത്തിയത്.

ന്യൂഡല്‍ഹി: രാജ്യത്ത് പുതിയതായി 1761 പേര്‍ക്ക് കൊവിഡ്-19 സ്ഥിരീകരിച്ചു. കഴിഞ്ഞ 688 ദിവസത്തിന് ശേഷമുള്ള ഏറ്റവും കുറഞ്ഞ പ്രതിദിന രോഗബാധയാണ് ഇന്ന് രേഖപ്പെടുത്തിയത്. കേന്ദ്ര ആരോഗ്യമന്ത്രാലയത്തിന്‍റെ കണക്ക് പ്രകാരം രാജ്യത്ത് 26240 സജീവകേസുകളാണ് നിലവിലുള്ളത്.

127 മരണങ്ങള്‍ കൂടി രേഖപ്പെടുത്തിയതോടെ ആകെ മരണസംഖ്യ 5,16,479 ആയി ഉയർന്നു. നിലവിലെ പ്രതിദിന രോഗബാധ നിരക്കും, പ്രതിവാര രോഗബാധ നിരക്കും 0.41 ശതമാനമാണെന്ന് ആരോഗ്യമന്ത്രാലയം അറിയിച്ചു. രാജ്യത്ത് ആകെ 181.21 കോടി ഡോസ് വാക്‌സിന്‍ വിതരണം പൂര്‍ത്തിയായതായും കേന്ദ്രആരോഗ്യമന്ത്രാലയം വ്യക്‌തമാക്കി.