ന്യൂഡൽഹി: 24 മണിക്കൂറിനിടെ രാജ്യത്ത് 11,850 പേര്‍ക്ക് കൂടി കൊവിഡ് സ്ഥിരീകരിച്ചതായി കേന്ദ്ര ആരോഗ്യ മന്ത്രാലയം അറിയിച്ചു. 555 മരണവും 12,403 രോഗമുക്തി കേസുകളുമാണ് പുതുതായി റിപ്പോര്‍ട്ട് ചെയ്‌തത്. പുതിയ റിപ്പോര്‍ട്ടോട് കൂടി രാജ്യത്ത് ഇതുവരെ സ്ഥിരീകരിച്ച വൈറസ് മരണം 4,63,245 ആയി ഉയർന്നു.
മന്ത്രാലയം ശനിയാഴ്ച പുറത്തിറക്കിയ റിപ്പോര്‍ട്ടിലാണ് ഇക്കാര്യം പറയുന്നത്. 3,38,26,483 പേര്‍ക്കാണ് രാജ്യത്ത് ആകെ കൊവിഡ് സ്ഥിരീകരിച്ചത്. രാജ്യത്തെ ആകെ കൊവിഡ് രോഗമുക്തി നിരക്ക് 98.26 ശതമാനമായി.