ഷോപ്പിയാൻ:കഴിഞ്ഞ 30 മണിക്കൂറിനിടെ ജമ്മു കശ്‌മീരിലെ വ്യത്യസ്‌ത ഇടങ്ങളില്‍ നടന്ന ഏറ്റുമുട്ടലില്‍ ഏഴ് തീവ്രവാദികളും അഞ്ച് സൈനികരും കൊല്ലപ്പെട്ടു. ദക്ഷിണ കശ്‌മീരിലെ ഷോപിയാൻ ജില്ലയിൽ ചൊവ്വാഴ്ചയുണ്ടായ ഏറ്റുമുട്ടലിൽ രണ്ട് തീവ്രവാദികളെ വധിച്ചതായി ജമ്മു കശ്‌മീര്‍ പൊലീസ് അറിയിച്ചു.
അനന്ത്നാഗ്, ബന്ദിപോറ എന്നിവിടങ്ങളിലുണ്ടായ ഏറ്റുമുട്ടലിൽ ഒരോ ഭീകരവാദികളും കൊല്ലപ്പെട്ടു. ഇതേദിവസം, പൂഞ്ച് ജില്ലയിലെ സുരാങ്കോട്ടിലുണ്ടായ ഏറ്റുമുട്ടലില്‍ മലയാളി ഉള്‍പ്പെടെ അഞ്ച് സൈനികർ കൊല്ലപ്പെട്ടു. "ഓപ്പറേഷൻ ഇപ്പോഴും തുടരുകയാണ്. ഇത് അവസാനിച്ചാല്‍ മാത്രമേ കൊല്ലപ്പെട്ട തീവ്രവാദികളെ തിരിച്ചറിയാൻ കഴിയുള്ളൂ." ഒരു മുതിർന്ന പൊലീസ് ഉദ്യോഗസ്ഥന്‍ മാധ്യമങ്ങളോട് പറഞ്ഞു.