ന്യൂഡൽഹി: സർക്കാരിന്‍റെ എല്ലാ വികസന സംരംഭങ്ങളിലും പെൺകുട്ടികളുടെ ശാക്തീകരണത്തിന് മുൻഗണന നൽകുന്നുണ്ടെന്ന് പ്രധാനമന്ത്രി നരേന്ദ്ര മോദി. പെൺകുട്ടികളുടെ അന്തസും അവസരങ്ങളും ഉറപ്പാക്കുന്നതിലാണ് സർക്കാർ പ്രാധാന്യം നൽകുന്നതെന്നും മോദി പറഞ്ഞു. ദേശീയ ബാലിക ദിനത്തോടനുബന്ധിച്ചായിരുന്നു മോദിയുടെ പ്രതികരണം.
'സർക്കാരിന്‍റെ എല്ലാ വികസന സംരംഭങ്ങളിലും, പെൺകുട്ടികളെ ശാക്തീകരിക്കുന്നതിനും സത്രീകളെ ശക്തിപ്പെടുത്തുന്നതിനും വളരെയധികം മുൻഗണന നൽകുന്നു,' മോദി ട്വീറ്റ് ചെയ്തു. പെൺകുട്ടികളെ ശാക്തീകരിക്കുന്നതിനുള്ള തുടർച്ചയായ ശ്രമങ്ങൾ ശക്തിപ്പെടുത്തുന്നതിനുള്ള അവസരമാണ് ദേശീയ ബാലിക ദിനമെന്ന് പ്രധാനമന്ത്രി ട്വിറ്ററിൽ കുറിച്ചു. വിവിധ മേഖലകളിൽ പെൺകുട്ടികൾ കൈവരിച്ച മാതൃകാപരമായ നേട്ടങ്ങൾ ആഘോഷിക്കാനുള്ള ദിനം കൂടിയാണിതെന്നും മോദി ഓർമിപ്പിച്ചു.