ന്യൂഡൽഹി:കൊവിഡ് വാക്‌സിനേഷൻ ഡ്രൈവിന്‍റെ ഭാഗമായി ജൂൺ 21ന് വാക്‌സിൻ സ്വീകരിച്ചവരിൽ അഞ്ചിൽ മൂന്ന് പേരും ഇന്ത്യയുടെ ഗ്രാമപ്രദേശങ്ങളിൽ നിന്നുള്ളവരാണെന്നും ഇത് സന്തോഷം നൽകുന്നതാണെന്നും ഉപരാഷ്‌ട്രപതി എം. വെങ്കയ്യ നായിഡു. സർക്കാർ പുറത്തു വിട്ട വിവര പ്രകാരം ജൂൺ 21ന് 88.09 ലക്ഷംകൊവിഡ് വാക്‌സിൻ ഡോസുകളാണ് വിതരണം ചെയ്‌തത്.
ഇന്ത്യയുടെ ഭൂരിഭാഗം ആളുകളും ജീവിക്കുന്ന ഗ്രാമങ്ങളിൽ വാക്‌സിനേഷൻ ഡ്രൈവിലൂടെ അഞ്ചിൽ മൂന്ന് പേരും വാക്‌സിൻ സ്വീകരിച്ചത് സന്തോഷം നൽകുന്നതാണെന്നും 'ടീം ഇന്ത്യ' പ്രവർത്തനങ്ങളിൽ കേന്ദ്ര സർക്കാരും സംസ്ഥാനങ്ങളും പ്രവർത്തിക്കുന്നതിന് അഭിനന്ദനം അർഹിക്കുന്നതാണെന്നും വെങ്കയ്യ നായിഡു ട്വിറ്ററിൽ കുറിച്ചു.