ഹൈദരാബാദ്:വളര്‍ത്തുമൃഗങ്ങള്‍ അവയുടെ ഉടമയോടുള്ള സ്‌നേഹം പ്രകടമാക്കുന്ന ദൃശ്യങ്ങള്‍ സമൂഹമാധ്യമങ്ങളില്‍ പതിവ് കാഴ്‌ചയാണ്. അത്തരത്തിലൊരു ദൃശ്യമാണ് ഇപ്പോള്‍ സോഷ്യല്‍ മീഡിയയില്‍ വൈറല്‍. ചന്തയില്‍ വില്‍ക്കാന്‍ എത്തിച്ച ആട് ഉടമയുടെ തോളില്‍ ചാഞ്ഞ് മനുഷ്യരെ പോലെ ഏങ്ങിക്കരയുന്നതാണ് വീഡിയോ ദ്യശ്യം.
ബലിപെരുന്നാളിനോട് അനുബന്ധിച്ചാണ് ആടിനെ വില്‍ക്കാനായി എത്തിച്ചത്. ചന്തയില്‍ എത്തിച്ചതിന് പിന്നാലെ ആട് ഉടമയുടെ തോളില്‍ തലവച്ച് കരയുകയായിരുന്നു. ഉടമയുടെ തോളില്‍ തലവച്ചുള്ള ആടിന്‍റെ കരച്ചില്‍ കണ്ട് നിരവധി പേരാണ് സ്ഥലത്ത് ചുറ്റും കൂടിയത്.