തുംകൂര്‍(കര്‍ണ്ണാടക): തുംകൂരില്‍ ചരക്ക് വാഹനം സ്വകാര്യ ബസ്സുമായി കൂട്ടിയിടിച്ചുണ്ടായ അപകടത്തില്‍ നാല് കര്‍ഷകര്‍ മരിച്ചു. ഒരാള്‍ക്ക് ഗുരുതരമായി പരിക്കേറ്റു. തുംകൂര്‍ - ഷിമോഗ ഹൈവേയിലാണ് സംഭവം. ഞായറാഴ്ച പുലര്‍ച്ചെ 5.30നാണ് അപകടമുണ്ടായത്.
ഹസ്സനില്‍ നിന്നും അരസിക്കരയിലേക്ക് പോവുകയായിരുന്ന ബസ് തുംകൂരില്‍ നിന്നും വരികയായിരുന്ന ചരക്കു വാഹനവുമായി കൂട്ടിയിടിക്കുകയായിരുന്നു. പൂക്കളുമായി പോയ കര്‍ഷകരുടെ വാഹനമാണ് അപകടത്തില്‍ പെട്ടതെന്നാണ് വിവരം.