കൊൽക്കത്തയിൽ എഫ്‌സിഐ ഗോഡൗണിൽ വൻ തീപിടിത്തം

ആളപായം റിപ്പോര്‍ട്ട് ചെയ്‌തിട്ടില്ല. അഗ്നിശമനസേനയും പൊലീസും അഞ്ച് മണിക്കൂറെടുത്ത് തീ നിയന്ത്രണവിധേയമാക്കി

കൊൽക്കത്ത :ഗാർഡൻ റീച്ചിന് സമീപം ഫുഡ് കോർപ്പറേഷൻ ഓഫ് ഇന്ത്യയുടെ (എഫ്‌സിഐ) ഗോഡൗണിൽ വൻ തീപിടിത്തം. ശനിയാഴ്‌ച രാവിലെ 10 മണിയോടെയായിരുന്നു സംഭവം. എങ്ങനെയാണ് തീ പടര്‍ന്നതെന്ന് വ്യക്തമല്ല.

സമീപ കെട്ടിടങ്ങളിലേക്കും കുടിലുകളിലേക്കും തീ പടര്‍ന്നു. അഗ്നിശമനസേനയുടെയും പൊലീസിന്‍റെയും നേതൃത്വത്തില്‍ നടന്ന 5 മണിക്കൂര്‍ രക്ഷാപ്രവര്‍ത്തനത്തിനൊടുവിലാണ് തീ നിയന്ത്രണവിധേയമായത്.

ശക്തമായ കാറ്റുമൂലം എളുപ്പം തീ പടർന്നതായി പൊലീസ് പറഞ്ഞു. ആളപായം റിപ്പോര്‍ട്ട് ചെയ്‌തിട്ടില്ല. സംഭവത്തെത്തുടർന്ന് സമീപ പ്രദേശങ്ങളിൽ ഗതാഗതക്കുരുക്ക് അനുഭവപ്പെട്ടു.