ഹാവേരി(കർണാടക):ഏറെ നാളായി രണ്ട് കുടുംബങ്ങൾ തമ്മിൽ നിലനിന്നിരുന്ന ഭൂമി തർക്കം സംഘർഷത്തിൽ കലാശിച്ചു. കുടുംബങ്ങൾ തമ്മിലുണ്ടായ സംഘർഷത്തിന്‍റെ ദൃശ്യങ്ങൾ സമൂഹ മാധ്യമങ്ങളിൽ വൈറലാകുന്നു. ഹാവേരി ജില്ലയിലെ കെലവരകൊപ്പ ഗ്രാമത്തിൽ കഴിഞ്ഞ ദിവസമാണ് വൈറലായ ഭൂമി സംഘർഷം നടന്നത്.
രണ്ട് കുടുംബങ്ങൾ തമ്മിലുള്ള ഭൂമി തർക്കം സംഘർഷത്തിൽ കലാശിച്ചു
വീരേശ കുപ്പഗഡിയുടെയും ശിവാനന്ദ കോടിഹള്ളിയുടെയും കുടുംബങ്ങൾ തമ്മിലാണ് സംഘർഷമുണ്ടായത്. റവന്യു വകുപ്പ് ഉദ്യോഗസ്ഥർ ഭൂമി പരിശോധിക്കാൻ എത്തിയപ്പോഴായിരുന്നു സംഭവം. തുടർന്ന് രണ്ട് കുടുംബങ്ങളിലെയും അംഗങ്ങൾ തമ്മിൽ കല്ലും മണ്ണും ഉപയോഗിച്ച് പരസ്‌പരം ആക്രമിച്ചു. സംഘർഷത്തിൽ പലർക്കും പരിക്കേറ്റു. പരിക്കേറ്റവരെ ഹനഗൽ താലൂക്ക് ആശുപത്രിയിലും ഹാവേരി ജില്ല ആശുപത്രിയിലും പ്രവേശിപ്പിച്ചു.