ഒഡീഷ: പെട്രോള്‍ ഡീസല്‍ വില താങ്ങാനാകാത്തവിധം കുതിച്ചുയരുമ്പോള്‍ ബദൽ മാർഗം അവതരിപ്പിക്കുകയാണ് ഒഡീഷക്കാരനായ സുശീല്‍ കുമാര്‍ അഗര്‍വാള്‍. കർഷകനും ബിസിനസുകാരനുമായ സുശീൽ ലോക്ക് ഡൗൺ സമയത്ത് നിർമിച്ച സൗരോർജ കാർ എട്ടര മണിക്കൂര്‍ ചാര്‍ജ് ചെയ്താൽ 300 കിലോമീറ്റർ ഓടിക്കാം.ഒഡീഷ- മയൂര്‍ബഞ്ച് ജില്ലയിലെ കരംചിയ സ്വദേശിയായ ഇദ്ദേഹം വീട്ടില്‍ ഉപയോഗ ശൂന്യമായിക്കിടന്ന വസ്തുക്കൾവെച്ചാണ് വാഹനം നിർമിച്ചത്. ലോക്ക്ഡൗണില്‍ ആരംഭിച്ച നിര്‍മ്മാണം ഏഴ് മാസമെടുത്താണ് പൂര്‍ത്തിയാക്കിയത്. നാല് ചക്രമുള്ള വാഹനത്തിൽ 850 വാട്ട് ശക്തിയുള്ള മോട്ടോര്‍ ഘടിപ്പിച്ചു. 100/എഎച്ച്/54 ശേഷിയുള്ള ബാറ്ററിയും മുകള്‍ഭാഗത്ത് സ്ഥാപിച്ച സോളാർ പാനലും വാഹനത്തിന് ആവശ്യമായ ഊർജം നൽകും.
എട്ട് മണിക്കൂർ ചാർജ് ചെയ്താൽ 300 കിമീ ഓടും; സോളാർ വാഹനവുമായി ഒഡീഷയിലെ കര്‍ഷകന്‍