മുംബൈ:ശിവസേന എംപി സഞ്ജയ് റാവത്തിന് എന്‍ഫോഴ്‌സ്‌മെന്‍റ്‌ ഡയറക്‌ടറേറ്റിന്‍റെ നോട്ടിസ്. മുംബൈ ചേരി പുനര്‍ നിര്‍മാണവുമായി ബന്ധപ്പെട്ട് കള്ളപ്പണം വെളുപ്പിക്കല്‍ കേസിലാണ് നടപടി. ചോദ്യം ചെയ്യലിനായി ചൊവ്വാഴ്‌ച (28-06-2022) ഹാജരാകാനാണ് ഇ.ഡിയുടെ നിര്‍ദേശം.
നാളെ സൗത്ത് മുംബൈയിലുള്ള ഓഫിസിലാണ് സഞ്ജയ് റാവത്തിനോട് ഹാജരാകാന്‍ നിര്‍ദേശിച്ചിരിക്കുന്നത്. കേസന്വേഷണത്തിന്‍റെ ഭാഗമായി സഞ്ജയ് റാവത്തിന്‍റെ ഭാര്യ വര്‍ഷ റാവത്തിന്‍റെയും, രണ്ട് കൂട്ടാളികളുടെയും സ്വത്ത് ഏപ്രിലില്‍ ഇ.ഡി കണ്ടു കെട്ടിയിരുന്നു. ഇവരുടെ പക്കലുണ്ടായിരുന്ന 11.15 കോടി രൂപയുടെ സ്വത്ത് വകകളാണ് താത്‌കാലികമായി ഇ.ഡി കണ്ടു കെട്ടിയത്.