മഥുര : ഒമ്പതാം ക്ലാസ് വിദ്യാർഥിയുടെ മൃതദേഹം കുറ്റിക്കാട്ടിൽ നിന്ന് കണ്ടെത്തി. മഥുര റിഫൈനറി കേന്ദ്രീയ വിദ്യാലയത്തിലെ വിദ്യാർഥിയെയാണ് വ്യാഴാഴ്‌ച മുതൽ കാണാതായത്.
ബാദ്‌ ഗ്രാമത്തിലെ കുറ്റിക്കാടിനുള്ളിൽ നിന്നാണ് മൃതദേഹം കണ്ടെത്തിയത്. കൊലയാളിയായ മഥുര സ്വദേശി മനോജിനെ പൊലീസ് അറസ്റ്റ് ചെയ്‌തു. കുട്ടിയെ കാണാതായതിനെ തുടർന്ന് പിതാവ് പൊലീസിൽ പരാതി നൽകുകയായിരുന്നു.
READ MORE:IPL 2021 : കഷ്‌ടിച്ച് വിജയിച്ച് ഡൽഹി ; മുംബൈയുടെ പ്ലേ ഓഫ് മോഹങ്ങൾക്ക് തിരിച്ചടി
മദ്യത്തിന് അടിമയാണെന്നും ആൺകുട്ടിയെ ലൈംഗിക ബന്ധത്തിന് പ്രേരിപ്പിച്ചെന്നും ഇതിന് തയ്യാറാകാത്തതിനെ തുടർന്നാണ് കൊലപ്പെടുത്തിയതെന്നും പ്രതി കുറ്റസമ്മതം നടത്തിയതായി പൊലീസ് അറിയിച്ചു.
ഭാര്യ ഉപേക്ഷിച്ച് പോയതിനാല്‍ ലൈംഗിക താല്‍പ്പര്യവുമായി കുട്ടികളെ സമീപിക്കാറുണ്ടെന്നും ഇയാള്‍ മൊഴി നല്‍കിയിട്ടുണ്ട്. റിഫൈനറി പൊലീസ് സ്റ്റേഷൻ എസ്എച്ച്ഒ ലോകേഷ് ഭാട്ടിയുടെ നേതൃത്വത്തിലാണ് അന്വേഷണം.