സോന്‍ബദ്ര:മദ്യപിച്ചെത്തിയ ഭര്‍ത്താവ് ഭാര്യയെ സ്ക്രൂ ഡ്രൈവര്‍ ഉപയോഗിച്ച് കുത്തിക്കൊന്നു. ഉത്തർപ്രദേശിലെ ജനക്‌പൂര്‍ രന്ധ ഗ്രാമത്തിലെ സാവിത്രി ദേവി (55) ആണ് കൊല്ലപ്പെട്ടത്. സംഭത്തില്‍ ഭര്‍ത്താവ് രഘു ബാദിയെ പൊലീസ് അറസ്റ്റ് ചെയ്തു. ശനിയാഴ്ച രാത്രിയായിരുന്നു സംഭവം.
മദ്യപിച്ചെത്തിയ ഭര്‍ത്താവ് സ്ഥിരമായി ഭാര്യയെ ഉപദ്രവിക്കാറുണ്ടായിരുന്നു എന്ന് പൊലീസ് പറയുന്നു. കഴിഞ്ഞ ദിവസം മദ്യപിച്ച് വീട്ടിലെത്തിയ യുവാവ് ഭാര്യയുമായി കലഹിക്കുകയും കുത്തിക്കൊല്ലുകയുമായിരുന്നു. ഇവരുടെ മകനാണ് ഗ്രാമത്തലവാനായ സഞ്ജയ് യാദവനിനെ വിവരം അറിയിച്ചത്. സംഭവ സ്ഥലത്ത് എത്തിയ ഇദ്ദേഹം സോന്‍ബദ്ര ജില്ലയിലെ ബഹാനി പൊലീസ് സ്റ്റേഷനില്‍ വിവരം അറിയിക്കുകയായിരുന്നു.