പനാജി (ഗോവ) : ബിജെപി നേതാവും നടിയുമായ സൊണാലി ഫോഗട്ടിന് ഗോവയിലെ നിശാപാര്‍ട്ടിക്കിടെ മയക്കുമരുന്ന് കലര്‍ത്തിയ പാനീയം നല്‍കുന്നതിന്‍റെ ദൃശ്യങ്ങള്‍ പുറത്ത്. ഗോവയിലെ പ്രമുഖ ബീച്ച് റസ്റ്റോറന്‍റായ കുര്‍ലീസിലെപാര്‍ട്ടിയുടെ ദൃശ്യങ്ങളാണ് പുറത്തുവന്നിരിക്കുന്നത്. പാര്‍ട്ടിക്കിടെ മയക്കുമരുന്ന് കലര്‍ത്തിയ പാനീയം സൊണായിലെ നിര്‍ബന്ധിച്ച് കഴിപ്പിക്കുന്നത് ദൃശ്യങ്ങളില്‍ വ്യക്തമാണ്.
സൊണാലിയുടെ മരണവുമായി ബന്ധപ്പെട്ട് അറസ്റ്റിലായ സുഖ്‌വീന്ദർ സിങ്, സുധീർ സാഗ്‌വാന്‍ എന്നിവര്‍ക്ക് മയക്കുമരുന്ന് എത്തിച്ചുനല്‍കിയ ദത്തപ്രസാദ് ഗാവോങ്കറിനെ അഞ്ജുനയിൽ നിന്ന് പൊലീസ് കസ്റ്റഡിയിലെടുത്തിരുന്നു. അഞ്ജുനയിൽ നിന്ന് മയക്കുമരുന്ന് വാങ്ങിയെന്ന് പ്രതികൾ കുറ്റസമ്മതം നടത്തിയതിനെ തുടർന്നാണ് ഗാവോങ്കറിനെ കസ്റ്റഡിയില് എടുത്തത്. സൊണാലിക്ക് മയക്കുമരുന്ന് കലര്‍ന്ന പാനീയം നല്‍കിയ പ്രതികളെ കൊലപാതകക്കുറ്റം ചുമത്തിയാണ് അറസ്റ്റ് ചെയ്‌തത്.