ശ്രീനഗര്‍:ജമ്മു കശ്‌മീരില്‍ നിയന്ത്രണ രേഖയ്‌ക്ക് സമീപം ഡ്രോണ്‍ വെടിവച്ചു വീഴ്‌ത്തി സൈന്യം. കനാചക് മേഖലയിലാണ് സംഭവം. ഡ്രോണില്‍ നിന്ന് സ്ഫോടക വസ്‌തുക്കളും കണ്ടെത്തിയതായി ജമ്മു കശ്‌മീര്‍ പൊലീസ് അറിയിച്ചു.
ജൂലൈ 21ന് കശ്‌മീരിലെ സത്‌വാരിയില്‍ ഡ്രോണ്‍ സാന്നിധ്യം കണ്ടെത്തിയിരുന്നു. ജൂലൈ 16ന് ജമ്മു എയര്‍ ബെയ്സിന് സമീപവും ഡ്രോണ്‍ കണ്ടെത്തിയിരുന്നു. ജൂൺ 27ന് ജമ്മു വ്യോമതാവളത്തിനു നേർക്കുണ്ടായ ഡ്രോൺ ആക്രമണത്തിനു ശേഷം പ്രദേശം കനത്ത ജാഗ്രതയിലാണ്.