ശ്രീനഗർ: ജമ്മു കശ്‌മീരിലെ ദോഡ ജില്ലയിൽ തിങ്കളാഴ്‌ച മിനിബസ് നദിയിലേക്ക് വീണ് ആറ് പേർ മരിച്ചു. അപകടത്തിൽ നാല് പേർക്ക് പരിക്കേറ്റു. പരിക്കേറ്റവരെ ചികിത്സയ്‌ക്കായി ജമ്മുവിലേക്ക് മാറ്റി.
ഇന്ത്യൻ വ്യോമസേന, കരസേന ഉദ്യോഗസ്ഥരുടെ നേതൃത്വത്തിലായിരുന്നു രക്ഷാ പ്രവർത്തനം. അതേസമയം, സംഭവത്തിൽ പ്രധാന മന്ത്രി നരേന്ദ്ര മോദി അനുശോചനം രേഖപ്പെടുത്തി. പരിക്കേറ്റവർക്ക് സാധ്യമായ എല്ലാ സഹായങ്ങളും നൽകുന്നുണ്ടെന്നും വേഗം സുഖം പ്രാപിക്കാൻ പ്രാർഥിക്കുന്നുണ്ടെന്നും അദ്ദേഹം ട്വീറ്റ് ചെയ്‌തു.