മുംബൈ:ആഡംബരകപ്പലിലെ ലഹരി വിരുന്ന് കേസിൽ അറസ്റ്റിലായ ആര്യൻ ഖാന്‍റെ ജാമ്യാപേക്ഷയിൽ വിധി ഇന്ന്. സ്‌പെഷ്യൽ മുംബൈ കോടതിയാണ് വിധി പറയുന്നത്. ഉച്ചക്ക് 2.45ഓടെയാണ് ജാമ്യാപേക്ഷയിൽ വിധി പറയുക.
ഒക്ടോബർ 2നാണ് ഗോവയിലേക്ക് പോവുകയായിരുന്ന കോർഡിലിയ ക്രൂയിസിന്‍റെ 'ദി എംപ്രസ്' എന്ന ആഡംബര കപ്പലിൽ വച്ചുനടന്ന പാർട്ടിയിൽ നിന്ന് എന്‍സിബി ലഹരിമരുന്ന് കണ്ടെടുത്തത്. 13 ഗ്രാം കൊക്കെയ്‌ന്‍, 21 ഗ്രാം ചരസ്, 22 എംഡിഎംഎ ഗുളികള്‍, അഞ്ച് ഗ്രാം എംഡി എന്നിവയാണ് എൻസിബി പിടിച്ചെടുത്തത്.