ന്യൂഡൽഹി: മുതിർന്നവർക്കുള്ള കൊവിഡ് 19 ബൂസ്റ്റർ ഡോസ് വാക്‌സിൻ കോവോവാക്‌സിന് (Covovax) അംഗീകാരം നൽകി ഡ്രഗ് കൺട്രോളർ ജനറൽ ഓഫ് ഇന്ത്യ (ഡിസിജിഐ). സെൻട്രൽ ഡ്രഗ്‌സ് സ്റ്റാൻഡേർഡ് കൺട്രോൾ ഓർഗനൈസേഷന്‍റെ (സിഡിഎസ്‌സിഒ) സബ്‌ജക്‌ട് എക്സ്പേർട്ട് കമ്മിറ്റിയുടെ ശുപാർശയെ തുടർന്നാണ് ഡിസിജിഐയുടെ അംഗീകാരം.
18 വയസും അതിനുമുകളിലും പ്രായമുള്ളവർക്കുള്ള കൊവൊവാക്‌സ് ഹെറ്ററോളജിക്കൽ ബൂസ്റ്റർ ഡോസിന്‍റെ അംഗീകാരത്തിനായി അടുത്തിടെ ഡിസിജിഐക്ക് സിറം ഇൻസ്റ്റിറ്റ്യൂട്ട് ഓഫ് ഇന്ത്യയുടെ (എസ്‌ഐഐ) ഗവൺമെന്‍റ് ആൻഡ് റെഗുലേറ്ററി അഫയേഴ്‌സ് ഡയറക്‌ടർ പ്രകാശ് കുമാർ സിംഗ് കത്തെഴുതിയിരുന്നു. സിഡിഎസ്‌സിഒയുടെ സബ്‌ജക്‌റ്റ് എക്സ്പേർട്ട് സമിതി ഈ വിഷയത്തിൽ ചർച്ച നടത്തി. രണ്ട് ഡോസ് കോവിഷീൽഡ് (Covishield) അല്ലെങ്കിൽ കൊവാക്‌സിൻ (Covaxin) നൽകിയ മുതിർന്നവർക്ക് ഒരു ഹെറ്ററോളജിക്കൽ ബൂസ്റ്റർ ഡോസായി കോവിഡ് ജാബ് കോവോവാക്സ് വിപണിയിൽ അംഗീകാരം നൽകാൻ ശുപാർശ ചെയ്‌തു.